KUHUSU GERRALD PIQUE KUMKATAZA SHAKIRA KUFANYA VIDEO NA WANAUME...

Ulishawahi kujiuliza kwanini video ya Shakira na Rihanna haikuwa na model yoyote wa kiume? Inawezekana hili likawa moja ya jibu: Gerard Pique hataki mchumba na mama wa mtoto wake Shakira afanye video akiwa na mwanaume mwingine.

Kwa mujibu mahojiano aliyoyafanya na jarida la Billboard Magazine, Shakira amesema haruhusiwi kufanya video na wanaume wengine, hiyo ni amri ya mchumba wake Pique ambaye ni mwanasoka wa FC Barcelona. 

“Pique hataki nifanye video na wanaume, ndio maana ikabidi video yetu iwe ya wanawake tu.”

Shakira aliendelea, “Hili suala halina mjadala tena, mie nimekubaliana nalo na nimependa, anaonyesha kwamba anapenda kulinda mali yake na ananithamini, kiasi kwamba hataki mwanaume mwingine aushike au kutazama mwili wangu kama alivyofanya Rihanna,” alisema Shakira huku akicheka.